2014 წლის 29 ოქტომბერს ტელეკომუნიკაციების ომბუდსმენი, თამთა ტეფნაძე საქართველოს სახალხო დამცველს, უჩა ნანუაშვილს შეხვდა.

2014 წლის 8 ოქტომბერს, საქართველოს კომუნიკაციების ეროვნული კომისიის თავმჯდომარე, ვახტანგ აბაშიძე და კომისიასთან მოქმედი მომხმარებელთა ინტერესების საზოგადოებრივი დამცველი, თამთა ტეფნაძე ე.წ. „სპამის“ საკითხზე შეხვდნენ პერსონალურ მონაცემთა დაცვის ინსპექტორს, თამარ ქალდანს. შეხვედრას ესწრებოდნენ კომისიის აპარატის და საზოგადოებრივი დამცველის სამსახურის სხვა თანამშრომლებიც.

მომხმარებელთა ინტერესების საზოგადოებრივი დამცველის სამსახური საქართველოს კომუნიკაციების ეროვნულ კომისიასთან ფუნქციონირებს. აღნიშნული სამსახური „ეროვნული მარეგულირებელი ორგანოების შესახებ“ საქართველოს კანონის საფუძველზე ჩამოყალიბდა  მომხმარებელთა ინტერესების დაცვის დამატებითი გარანტიების შესაქმნელად.