საქართველოს კომუნიკაციების ეროვნულ კომისიასთან დამოუკიდებლად მოქმედ მომხმარებელთა ინტერესების საზოგადოებრივი დამცველის სამსახურში მიმდინარე წლის II კვარტალში სულ შემოვიდა 57 საჩივარი/პრეტენზია. აქედან 22 მომხმარებელს გაეწია სატელეფონო კონსულტაცია, ხოლო 35 წერილობითი საჩივარია. ზემოაღნიშნული 57 საჩივრიდან 50 დაკმაყოფილდა, (42 საჩივარი სრულად დაკმაყოფილდა, ხოლო 8 ნაწილობრივ დაკმაყოფილდა), წარმოება შეწყდა 1 საჩივარზე, ხოლო 6 საჩივარზე მიმდინარეობს

მიმდინარე წლის 16 მაისს ტელეკომუნიკაციების ომბუდსმენი შეხვდა თბილისის სახელმწიფო სამედიცინო უნივერსიტეტის სტუდენტებს, სადაც დამცველმა წაიკითხა საჯარო ლექცია თემაზე: ”ინტერნეტ მომხმარებელთა უფლებები და კომპანიების ვალდებულებები”. ლექციის მიზანს წარმოადგენდა საზოგადოების, კერძოდ, სტუდენტების ცნობიერების ამაღლება სატელეკომუნიკაციო დარგში, არსებულ  მომხმარებელთა უფლებებზე, კომპანიების ვალდებულებებზე, საჩივრის/განცხადების განხილვის წესებსა და ვადებზე, ასევე საზოგადოებრივი დამცველის კანონმდებლობით მუნიჭებულ კომპეტენციაზე.

საზოგადოებრივი დამცველი ეხმიანება „სილქნეტის“ სააბონენტო ხელშეკრულების თაობაზე სოციალურ ქსელებში და ონლაინ გამოცემების მეშვეობით გავრცელებულ ინფორმაციას და კომპანიის აბონენტებისთვის, ასევე სხვა დაინტერესებული პირებისთვის განმარტავს, რომ ჯერ კიდევ 2016 წლის შემოდგომაზე სს „სილქნეტის“ ინიციატივით კომუნიკაციების ეროვნულ კომისიასთან დამოუკიდებლად მოქმედ მომხმარებელთა ინტერესების საზოგადოებრივი დამცველის სამსახურში წარმოდგენილ იქნა სრულიად ახალი სააბონენტო ხელშეკრულების პროექტი, რომლის