მომხმარებელთა ინტერესების საზოგადოებრივი დამცველის თამთა ტეფნაძის ინიციატივითა და კომუნიკაციების ეროვნული კომისიის ხელშეწყობით, 2017 წლის სამოქმედო გეგმის თანახმად, საზოგადოებრივი დამცველის სამსახურს დაგეგმილი აქვს შეხვედრები საქართველოს უმაღლეს სასწავლებლის სტუდენტებთან, სადაც თამთა ტეფნაძე სტუდენტებთან წაიკითხავს საჯარო ლექციას: “ინტერნეტ მომხმარებელთა უფლებები და კომპანიების ვალდებულებები”.
შეხვედრების მთავარი მიზანია: საზოგადოების ცნობიერების ამაღლება სატელეკომუნიკაციო დარგში, რათა მომხმარებლებს გაეცნოს კანონმდებლობით მინიჭებული უფლებები, კომპანიების ვალდებულებები, საჩივრის/განცხადების განხილვის წესები და ვადები.
მიმდინარე წლის 26 აპრილს თამთა ტეფნაძე ილიაუნის სტუდენტებს შეხვდა.
ომბუდსმენმა უკვე გამართა შეხვედრები: ივანე ჯავახიშვილის სახელობის უნივერსიტეტისა და საქართველოს საზოგადოებრივ საქმეთა ინსტიტუტის (GIPA) სტუდენტებთან.
