მომხმარებელთა ინტერესების საზოგადოებრივი დამცველის სამსახურმა 2020 წლის 24 დეკემბერს, ონლაინ შეხვედრა გამართა სახელმწიფო რწმუნებულის რაჭა-ლეჩხუმისა და ქვედა სვანეთის მხარის ადმინისტრაციის თანამშრომლებთან და ამბროლაურის მუნიციპალიტეტის, ონის მუნიციპალიტეტის; ლენტეხის მუნიციპალიტეტისა და ცაგერის მუნიციპალიტეტის წარმომადგენლებთან. პრეზენტაციას “იცნობდე შენს უფლებებს კომუნიკაციების სფეროში” უძღვებოდა საზოგადოებრივი დამცველის სამსახურის წარმომადგენელი: ელენე მიროტაძე. შეხვედრა მიზნად ისახავდა საზოგადოების, კერძოდ, სატელეკომუნიკაციო დარგის მომხმარებელთა ცნობიერების ამაღლებას. პრეზენტატორმა, შეხვედრის მონაწილეებს წარუდგინა ინფორმაცია სამსახურის საქმიანობის შესახებ. მომხმარებლებს გააცნო კანონმდებლობით მინიჭებული უფლებები, კომპანიების ვალდებულებები, საჩივრის/განცხადების განხილვის წესები და ვადები, აგრეთვე დარგში შემავალი სხვა საკითხები.