2017 წლის 27 ნოემბერს ტელეკომუნიკაციების მომხმარებელთა ინტერესების საზოგადოებრივი დამცველი, თამთა ტეფნაძე სტუმრად იმყოფებოდა კავკასიის საერთაშორისო უნივერსიტეტში. საზოგადებრივი დამცველი შეხვდა უნივერსიტეტის სტუდენტებს და წაიკითხა საჯარო ლექცია თემაზე: ”ინტერნეტ მომხმარებელთა უფლებები და კომპანიების ვალდებულებები”.
ლექციის მთავარ მიზანს წარმოადგენდა საზოგადოების, კერძოდ, სტუდენტების ცნობიერების ამაღლება სატელეკომუნიკაციო დარგში, არსებულ მომხმარებელთა უფლებებზე, კომპანიების ვალდებულებებზე, საჩივრის/განცხადების განხილვის წესებსა და ვადებზე, ასევე საზოგადოებრივი დამცველის კანონმდებლობით მუნიჭებულ კომპეტენციაზე.
ომბუდსმენის საჯარო ლექციები საზოგადოებრივი დამცველის სამსახურისა და ანტიკორუფციული საბჭოს მიერ 2017-2018 წლების სამოქმედო გეგმით დაგეგმილი აქტივობაა.
კავკასიის საერთაშორისო უნივერსიტეტი ომბუდსმენისთვის რიგით მე-16 იყო.