მიმდინარე წლის 18 დეკემბერს, კომუნიკაციების ომბუდსმენმა, გვანცა ჩხეიძემ რიგით მე-10 შეხვედრა გამართა სტუდენტებთან. ამჯერად ომბუდსმენი “ახალი უმაღლესი სასწავლებლის” სტუდენტებს შეხვდა. “იცნობდე შენს უფლებებს კომუნიკაციების სფეროში”. სწორედ ეს თემა ისახავს მიზნად საზოგადოების, კერძოდ, სატელეკომუნიკაციო დარგის მომხმარებელთა ცნობიერების ამაღლებას. საზოგადოებრივმა დამცველმა სტუდენტებს წარუდგინა ინფორმაცია სამსახურის საქმიანობის შესახებ. მომხმარებლებს გააცნო კანონმდებლობით მინიჭებული უფლებები, კომპანიების ვალდებულებები, საჩივრის/განცხადების განხილვის წესები და ვადები, აგრეთვე დარგში შემავალი სხვა საკითხები.
გვანცა ჩხეიძე “ახალი უმაღლესი სასწავლებლის” სტუდენტებს შეხვდა
